أولا السيرة الذاتية عبارة عن مجموعة معلومات بتتبعت للشركات والمؤسسات اللى بتبحث عن شغل و الhr المسئول بيشوف الأنسب للوظيفة من حيث المهارات و الخبرات و الإمكانيات اللى هتحتاجها للشركة .
و السيرة الذاتية بيكون اول أنطباع بيتاخد عنك و بيكون أول و أهم خطوة لو نجحت فيها بتقدر توصل للمقابلة اللى من خلالها تحصل على الوظيفة.
فى المقالة هتعرف على كيفية عمل السيرة الذاتية باللغة الإنجليزيةو العناصر المهمة لنجاح ال cv .
1_What you Should Know Before Writing The Cv
Self Awareness التعريف بذاتك : فى الأول هتقدم نفسك بمعلومات عنك و خبراتك و أمكانياتك.
The company الشركة اللى بتقدم فيها و معلومات عنها.
The job الوظيفة اللى هتتقدملها و إزاى تربط إمكانياتك باحتياج الوظيفة .
2_Cv Content محتوى السيرة الذاتية
Contact معلومات عنك الأسم و إيميلك الشخصى مع مراعاة إن يكون الإيميل مخصص للشغل و إحترافى للوظيفة و رقم تليفونك الشخصى و العنوان و لو هتحتاج الشركة صورة يكون بلبس فورمال وواضحة .
Objective الهدف من الوظيفة ملحوظة كلامك هيبين للhr أنك طموح ولا.
Education شهادات و المنح الدراسية بس نراعى نكتب الأحدث ثم الأقدم بالتاريخ و لو فى مشروع فى الكلية كنت منفذه .
Experience الخبرات هتكتب معلومات عن الوظائف اللى التحقت بها من الأحدث للأقدم و المدة و التوقيتات و فين المكان .
Certificates الشهادات المعتمدة اللى حصلت عليها كورسات أو مهارات جديدة اتعلمتها .
Skills & Interests المهارات و الأهتمامات
1_ Language اللغات و مستواك فيها و تكتب بالتفاصيل .
2_ Computer مهارات Office, Elaxel
3_ Personal مهاراتك الشخصية و لازم تكون واضح مثال بتقدر تعمل تحت ضغط أو انت كويس فى إدارة الوقت و إنك تقدر تشتغل و تتعاون مع فريق عمل .
3_ Cv Format
إحنا و بنعمل السيرة الذاتية لازم ناخد بالنا من مجموعة ملحوظات مهمة .
*العنوان لازم يكون بخط عريض زى الشهادات و الخبرات و هكذا بقيت المعلومات بيتكتب بخط عادى .
*اختار خط مناسب وواضح للكلام .
*ناخد بالنا أمتى يكون الحرف Capital كبير و امتى Small صغير و المسافات بين الكلمات و بلاش ألوان كتير فى الcv عشان بتعمل زحمة و ممكن تضايق ال Hr.
أرجو أكون وفقت فى عرض مختصر سريع لكتابة السيرة الذاتية باللغة الإنجليزية و أرجو التوفيق والنجاح للجميع .
كتبته /سماح محمود
